ಜನೇವರಿ 10, 2020 ರಂದು ಹೈದ್ರಾಬಾದ ಕರ್ನಾಟಕ ಭಾಗವನ್ನ ಕಲ್ಯಾಣ ಕರ್ನಾಟಕವೆಂದು ನಮ್ಮ ಸರ್ಕಾರ ಘೋಷಣೆ ಮಾಡಿತು. ಕೇವಲ ಹೆಸರಿಗಷ್ಟೇ ಕಲ್ಯಾಣ ಕರ್ನಾಟಕವೆಂದರೆ ಸಾಲದು ಈ ಪ್ರದೇಶದ 7 ಜಿಲ್ಲೆಗಳ ನಿಜವಾದ ಅಭಿವೃದ್ಧಿ ಸಾಧಿಸುವ ಮೂಲಕ ಕಲ್ಯಾಣದ ಪರಿಕಲ್ಪನೆಯ ನಿಜವಾದ ಅಭಿವೃದ್ಧಿ ಸಾಕಾರಗೊಳ್ಳಬೇಕೆನ್ನುವಂತದ್ದು ನಮ್ಮ ಸರ್ಕಾರದ ಸದುದ್ಧೇಶವಾಗಿದೆ.

ಈ ಭಾಗದ ಜನರಲ್ಲಿ ಕೌಶಲ್ಯ ಸುಧಾರಿಸಿ ಉತ್ಪಾದನೆ ಮತ್ತು ಸೇವಾ ವಲಯದಲ್ಲಿ ಪರಿಣಾಮಕಾರಿ ಬೆಳವಣಿಗೆ ಸಾಧಿಸಬೇಕೆನ್ನುವದು ನಮ್ಮ ಗುರಿ. ಕಲ್ಯಾಣ ಕರ್ನಾಟಕ ಪ್ರಾಂತ್ಯದ ಅಭಿವೃದ್ಧಿಗೆ ಒಂದು ಆಯಾಮ ನೀಡುವದು ನಮ್ಮ ಸರ್ಕಾರದ ಗುರಿ. ಈ ಗುರಿಯನ್ನು ಸಾಧಿಸುವ ನಿಟ್ಟಿನಲ್ಲಿ ಸಂಘವು ಪೂರಕ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ. ಕೃಷಿ, ಆರೋಗ್ಯ, ಶಿಕ್ಷಣ, ಸ್ವಯಂ ಉದ್ಯೋಗ, ಗ್ರಾಮ ಸಬಲೀಕರಣ, ಯುವಜನ ಹಾಗೂ ಮಹಿಳಾ ಸಬಲೀಕರಣ ಮತ್ತು ನೈತಿಕ ತತ್ವಗಳನ್ನು ಸಾಧಿಸಿ, ಕಲ್ಯಾಣ ಕರ್ನಾಟಕ ಜನರ ಬದುಕಿನಲ್ಲಿ ಹೊಸ ಶಕೆ ಪ್ರಾರಂಭವಾಗಿದೆ. ಕಲ್ಯಾಣ ಕರ್ನಾಟಕ ಮಾನವ ಸಂಪನ್ಮೂಲ ಕೃಷಿ ಮತ್ತು ಸಾಂಸ್ಕೃತಿಕ ಸಂಘಕ್ಕೆ 500 ಕೋಟಿ ರೂಪಾಯಿಗಳನ್ನ ನಮ್ಮ ಆಯೋಗದಲ್ಲಿ ಮೀಸಲಿಡಲಾಗಿದೆ. ಕಲ್ಯಾಣ ಕರ್ನಾಟಕದ ಭಾಗದ ಧುರೀಣರು ಮಾಜಿ ಸಂಸದ ಸದಸ್ಯರಾದಂತಹ ಡಾ. ಬಸವರಾಜ ಪಾಟೀಲ ಸೇಡಂ ಅವರ ಕ್ರಾಂತಿಕಾರಕ ಬದಲಾವಣೆಯ ಈ ಮುನ್ನುಡಿ ಬರೆಯಲು ಸಮರ್ಥರಿದ್ದಾರೆ. ಯಾವುದೇ ಅಭಿವೃದ್ಧಿ ಜನಕೇಂದ್ರಿತವಾಗಿರಬೇಕು. ಸ್ಥಳೀಯ ಸಂಪನ್ಮೂಲಗಳು ಮತ್ತು ಸ್ಥಳೀಯ ಕೌಶಲ್ಯಗಳನ್ನು ಆಧರಿಸಿ ಉತ್ಪಾದನೆ ಮತ್ತು ಸೇವೆಯನ್ನು ಒದಗಿಸಿ ಕೊಡಬೇಕು. ಸ್ವಾವಲಂಬನೆ ಹಾದಿಯಲ್ಲಿ ನೆಚ್ಚಿನ ಪ್ರಧಾನಿ ನರೇಂದ್ರ ಮೋದಿಯವರು ಘೋಷಿಸಿರುವ ಆತ್ಮನಿರ್ಭರ ಭಾರತ ಜನ ಕೇಂದ್ರಿತರಾಗಿರಬೇಕು. ಸ್ಥಳೀಯ ಅಸ್ಮಿತೆ ಕಾಪಾಡಿಕೊಂಡು ಜಾಗತಿಕ ಅವಕಾಶಗಳನ್ನು ಸದುಪಯೋಗಿಸಿಕೊಳ್ಳುವ ಸಂದರ್ಭವನ್ನು ಸಂಘದ ಯೋಜನೆಗಳು ಯಶಸ್ವಿಯಾಗಿ ಅನುಷ್ಠಾನಗೊಳಿಸುವ ದೃಷ್ಟಿಯಿಂದ 3000 ಸಂಪರ್ಕ ಕೇಂದ್ರಗಳನ್ನಾಗಿ ಸಂಪನ್ಮೂಲ ಕೇಂದ್ರಗಳನ್ನು ಸ್ಥಾಪನೆ ಮಾಡುತ್ತಿರುವುದು ಶ್ಲಾಘನೀಯ.

ಸಂಸ್ಥೆ ವತಿಯಿಂದ ಕಲ್ಯಾಣ ಕರ್ನಾಟಕ ಪ್ರದೇಶದಲ್ಲಿ ಸಾವಯವ ಕೃಷಿ ಕೇಂದ್ರಗಳ ಸ್ಥಾಪನೆ ವ್ಯಕ್ತಿತ್ವ ವಿಕಸನಕ್ಕಾಗಿ ವಿಚಾರ ಸಂಕೀರ್ಣ, ಸ್ವಯಂ ಉದ್ಯೋಗ ಹಾಗೂ ಕೌಶಲ್ಯ ತರಬೇತಿ ಆರೋಗ್ಯ ಶಿಬಿರಗಳನ್ನು ಆಯೋಜಿಸುತ್ತಿರುವ ಉದ್ಧೇಶ ಸಕಾಲಿಕವಾಗಿದೆ. ಯೋಜನಾ ಮತ್ತು ಮಹಿಳಾ ಸಬಲೀಕರಣಕ್ಕೆ ಆದ್ಯತೆ ನೀಡಲಾಗಿದೆಯಲ್ಲದೆ ಗ್ರಾಮಗಳ ಸಬಲೀಕರಣಕ್ಕೆ ಆರ್ಥಿಕ ಉತ್ತೇಜನ ನೀಡುವದರ ಜೊತೆಗೆ ಸಾಮಾಜಿಕ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜಿಸುತ್ತಿರುವುದು, ಕಲ್ಯಾಣ ಕರ್ನಾಟಕ ಸಮಗ್ರ ಅಭಿವೃದ್ಧಿಗೆ ಸಹಕಾರಿಯಾಗಿರುತ್ತದೆಂದು ನಾನು ಭಾವಿಸಿರುತ್ತೇನೆ. ಡಾ. ಬಸವರಾಜ ಪಾಟೀಲರವರ ಅಪೇಕ್ಷೆಯಂತೆ 15 ಜನರ ಆಡಳಿತ ಮಂಡಳಿಯ ಸದಸ್ಯರ ಸಮಿತಿ ಕಲ್ಯಾಣ ಕರ್ನಾಟಕ ವಿಭಾಗದ ಎಲ್ಲ ಜನರ ಸರ್ವತೋಮುಖ ಅಭಿವೃದ್ಧಿಗೆ ಶ್ರಮಿಸುತ್ತಾರೆಂದು ನಾನು ಭಾವಿಸಿದ್ದೇನೆ. ಸರ್ವರಿಗೂ ಸಮಬಾಳು ಸರ್ವರಿಗೂ ಸಮಪಾಲು ಎನ್ನುವ ಧ್ಯೇಯವನ್ನು ಎತ್ತಿಹಿಡಿದು ಈ ಭಾಗದ ಸರ್ವಾಂಗೀಣ ಅಭಿವೃದ್ಧಿಗೆ ಕಾರ್ಯವಾಗಲೆಂದು ನಮ್ಮೆಲ್ಲರ ಆಶಯ.

ಈ ಕಲ್ಯಾಣಕ್ಕಾಗಿ ಈ ಜನಕಲ್ಯಾಣಕ್ಕಾಗಿ ಈ ಸಂಘವು ಕಲ್ಯಾಣ ಕರ್ನಾಟಕ ವಿಭಾಗದ ಜನರ ಸಮಸ್ಯೆಗೆ ಸ್ಪಂದಿಸುವ ಕೆಲಸವನ್ನು ನಡೆಸುವಂತೆ ಆಗಬೇಕು. ಪ್ರಸ್ತುತ ಹಣಕಾಸಿನ ಕೆಲವು ಸಮಸ್ಯೆಗಳು ಇದ್ದರೂ ಕೋವಿಡ್ ನಮ್ಮನ್ನು ಕಾಡುತ್ತಿದೆ ಎಲ್ಲದರ ಮಧ್ಯನೂ ಸಹ ಇವತ್ತು ಆರ್ಥಿಕ ಅಭಿವೃದ್ಧಿಯನ್ನ ಮಾಡಿಕೊಂಡು ರಾಜ್ಯದ ಅಭಿವೃದ್ಧಿಗಾಗಿ ಪೂರಕವಾದ ಕಾರ್ಯಕ್ರಮಗಳನ್ನು ಒಟ್ಟಾರೆ ಸೇರಿ ಮಾಡಬೇಕಾಗಿದೆ. ಅದರಿಂದ ಎಲ್ಲ ಶಾಸಕರು, ಮುಖಂಡರು ಈ ಸಂದರ್ಭವನ್ನು ಅರ್ಥಮಾಡಿಕೊಂಡು ಬಸವರಾಜ ಪಾಟೀಲ ಸೇಡಂ ಅವರಿಗೆ ಬೆನ್ನೆಲುಬಾಗಿ ನಿಂತು ಆ ಒಂದು ಉದ್ಧೇಶವನ್ನು ಸಫಲಮಾಡಬೇಕು ಅದಕ್ಕಾಗಿ ತಮ್ಮೆಲ್ಲರ ಸಹಕಾರ ಇರಬೇಕು ಎಂಬ ಬಯಕೆ. ಇವತ್ತು ನಮ್ಮ ಜೊತೆ ನಮ್ಮ ಪೂಜ್ಯ ಸಿದ್ಧೇಶ್ವರ ಶ್ರೀಗಳು ಇರುವುದು ಸೌಭಾಗ್ಯ ಅಂತ ನಾನು ಭಾವಿಸಿದ್ದೇನೆ. ವಿಡಿಯೋ ಕಾನ್ಫರೆನ್ಸ್ ಮೂಲಕ ಅವರ ದರ್ಶನ ಪಡೆಯುವಂತ ಸೌಭಾಗ್ಯ ನನಗೆ ಸಿಕ್ಕಿತು ಅಂತ ನನಗೆ ತುಂಬಾ ಸಂತೋಷ ತಂದಿದೆ. ಕಲ್ಯಾಣ ಕರ್ನಾಟಕ ಮಾನವ ಸಂಪನ್ಮೂಲ ಕೃಷಿ ಮತ್ತು ಸಾಂಸ್ಕೃತಿಕ ಸಂಘವು ಮುಂಬರುವ ದಿನಗಳಲ್ಲಿ, ಕಲ್ಯಾಣ ಕರ್ನಾಟಕ ಅಭಿವೃದ್ಧಿಯಲ್ಲಿ ತೊಡಗಿ ಯಶಸ್ವಿಯಾಗಲಿ ಎಂದು ಹಾರೈಸುತ್ತೇನೆ.

ನಮ್ಮ ದೇಶಕ್ಕೆ ಸ್ವಾತಂತ್ರ್ಯ ಸಿಕ್ಕಮೇಲೆ ಕಲ್ಯಾಣ ಕರ್ನಾಟಕ ಭಾಗವು ಸರ್ದಾರ ವಲ್ಲಭಭಾಯಿ ಪಟೇಲರ ಸತತ ಪ್ರಯತ್ನದಿಂದ ಹದಿಮೂರು ತಿಂಗಳ ನಂತರ ಸ್ವತಂತ್ರ್ಯ ಭಾರತದ ಅಂಗವಾಗಲಿಕ್ಕೆ ಸಾದ್ಯವಾಯಿತು. ಪ್ರಾರಂಭದಿಂದಲೂ ಈ ಭಾಗವನ್ನು ಹಿಂದುಳಿದ ಪ್ರದೇಶ ಅನ್ನುವ ಈ ಹಣೆಪಟ್ಟಿಯಿಂದ ಹೊರತರಲಿಕ್ಕೆ ಹಿಂದಿನ ಮುಖ್ಯಮಂತ್ರಿಗಳಾದಂತಹ ಆಡಳಿತ ಸ್ವರ್ಗೀಯ ಧರ್ಮಸಿಂಗ್ ಅವರ ನೇತೃತ್ವದಲ್ಲಿ ಒಂದು ಸಭೆ ಆಗಿ ಧರ್ಮಸಿಂಗ್ರವರ ವರದಿ ಆಧಾರದ ಮೇಲೆ ಪ್ರದೇಶಾಭಿವೃದ್ಧಿ ಮಂಡಳಿಯು ವಿರೇಂದ್ರ ಪಾಟೀಲರ ನೇತ್ರತ್ವದಲ್ಲಿ ಅಸ್ತಿತ್ವಕ್ಕೆ ಬಂದು ಅವತ್ತಿನಿಂದ ಈ ಭಾಗದ ಅಭಿವೃದ್ಧಿಗೆ ಪ್ರತ್ಯೇಕ ಚಾಲನೆ ನೀಡೀತು.

ಅದಾದಮೇಲೆ ಈ ಭಾಗದ ಸಂಘರ್ಷಶೀಲ ರಾಜಕಾರಣಿ ಆದರಣೀಯ ಸ್ವರ್ಗೀಯ ವೈಜನಾಥ ಪಾಟೀಲರು ಈ ಭಾಗದಲ್ಲಿ ಸಂವಿಧಾನ ಅನುಚ್ಛೇದ 371 (ಜೆ) ಸೌಲಭ್ಯಗಳ ಜನಾಂದೋಲನ ಮಾಡಿರತಕ್ಕಂತ ಕೀರ್ತಿ ಅವರಿಗೆ ಸಲ್ಲುತ್ತದೆ. ಅವರ ಜನಾಂದೋಲನದ ಪರಿಣಾಮವಾಗಿ ಹಿಂದಿನ ಪ್ರಧಾನಮಂತ್ರಿ ಮನಮೋಹನ ಸಿಂಗ್ರವರ ಕಾಂಗ್ರೆಸ್ಸಿನ ಸರಕಾರದಲ್ಲಿ ಕಲ್ಯಾಣ ಕರ್ನಾಟಕ ಭಾಗದ 07 ಜಿಲ್ಲೆಗಳಿಗೆ 371 (ಜೆ) ವಿಶೇಷ ಸೌಲಭ್ಯಗಳನ್ನು ಕಲ್ಪಿಸಿ ಅಧಿಸೂಚನೆ ಹೊರಡಿಸಲಾಯಿತು.

ಈ ನಗರದ ಸ್ಟೆಷನ ಬಜಾರ ವೃತ್ತದಲ್ಲಿ ಸರ್ದಾರ ವಲ್ಲಭಭಾಯಿ ಪಟೇಲರ ಮೂರ್ತಿ ಅನಾವರಣ ಮಾಡಿರತಕ್ಕಂತ ಕೀರ್ತಿ ಆಗಿನ ಗೃಹ ಮಂತ್ರಿಗಳು ಮತ್ತು ಉಪ ಪ್ರಧಾನಮಂತ್ರಿಗಳಾದಂತ ಲಾಲಕೃಷ್ಣ ಅದ್ವಾನಿಯವರಿಗೆ ಸಲ್ಲುತ್ತದೆ. ಈ ನಾಡಿನ ಅನೇಕ ಹಿರಿಯ ಸಾಹಿತಿಗಳು ಚಿದಾನಂದ ಮೂರ್ತಿಗಳಿದ್ದಾರೆ ಅದೇ ರೀತಿ ಶರಣ ಸಾಹಿತಿಯಾದಂತ ಗೊರೂರು ಚನ್ನಬಸಪ್ಪವರಿದ್ದಾರೆ. ಪರಮ ಪೂಜ್ಯ ಸಿದ್ಧೇಶ್ವರ ಸ್ವಾಮಿಗಳಿದ್ದಾರೆ. ಈ ಭಾಗಕ್ಕೆ ಬಂದಾಗೆಲ್ಲ ಅವರು ಪ್ರತಿಬಾರಿ ಒಂದು ಪ್ರಶ್ನೆ ಕೇಳುತಿದ್ದರು. ತೆಲಂಗಾಣದವರೇ ಹೈದ್ರಾಬಾದ ಇಟ್ಟಗೊಂಡಿಲ್ಲ ನೀವ್ಯಾಕ ನಿಮ್ಮ ಪ್ರದೇಶವನ್ನು ಹೈದ್ರಾಬಾದ ಕರ್ನಾಟಕ ಎಂದು ಕರೆಯುತ್ತಿರಿ ಎಂದು ಈ ಮನೋಭಾವ ಹೋಗಲಾಡಿಸಲು ಒಂದು ದೊಡ್ಡ ಕಾರ್ಯಕ್ರಮ ಇಲ್ಲಿಯ ವಿಕಾಸ ಅಕಾಡೆಮಿಯ ಮುಖಾಂತರ ಜರುಗಿಸಿ ಒಂದು ಲಕ್ಷ ಜನರ ಉಪಸ್ಥಿತಿಯಲ್ಲಿ “ಗೊರೂರು ಚನ್ನಬಸಪ್ಪನವರು” ಇದನ್ನು ಕಲ್ಯಾಣ ಕರ್ನಾಟಕ ಅಂತ ಕರೆಯಬೇಕೆಂದು ಘೋಷಣೆ ಮಾಡಿದರು. ಅವತ್ತು ಪರಮ ಪೂಜ್ಯ ಸಿದ್ದೇಶ್ವರ ಸ್ವಾಮಿಗಳು ಸಹ ಸಾಕ್ಷಿಯಾಗಿದ್ದರು. ಅದಕ್ಕೆ ತಕ್ಕಂತೆ ಮಾನ್ಯ ಯಡಿಯೂರಪ್ಪ ನವರು ತಕ್ಷಣ ಭಾರತೀಯ ಜನತಾ ಪಾರ್ಟಿಯ ಸರಕಾರ ಅಧಿಕಾರಕ್ಕೆ ಬಂದ ನಂತರ ಮೊದಲ ಬಾರಿ ಇದಕ್ಕೆ ಕಲ್ಯಾಣ ಕರ್ನಾಟಕ ಅಂತ ಘೋಷಣೆ ಮಾಡಿ ಹದಿನೇಳನೇ ಸೆಪ್ಟೆಂಬರ್‍ನಲ್ಲಿ ಸಮಾರಂಭದಲ್ಲಿ ಇದಕ್ಕೆ ಅಧೀಕೃತವಾದಂತ ಮುದ್ರೆ ಒತ್ತಿ ಕಳೆದ ವರ್ಷ ಕಲ್ಯಾಣ ಕರ್ನಾಟಕ ಉತ್ಸವಕ್ಕೆ ಚಾಲನೆ ಕೊಟ್ಟರು. ಜೊತೆಜೊತೆಯಲ್ಲಿ ಈ ಭಾಗದ ಸರ್ವತೋಮುಖ ಅಭಿವೃದ್ಧಿಗಾಗಿ ಪ್ರಸ್ತುತ ಸಂಘದ ರಚನೆಯ ಬಗ್ಗೆ ಕರೆದು ಮಾತಾಡಿ ಸಂಘದ ರಚನೆಯ ಕುರಿತು ಅಧೀಕೃತ ಆದೇಶವನ್ನು ನೀಡಿ ಜೊತೆಗೆ ಬಜೆಟ್ ನಲ್ಲಿ ಅವಶ್ಯಕ ಅನುಧಾನ ನೀಡಿದ್ದಾರೆ.

ನಾಡಿನ ಅತ್ಯಂತ ಶ್ರೇಷ್ಠ ಜನರ ಒಂದು ಮಾರ್ಗದರ್ಶನವನ್ನು ಈ ಸಂಘದ ಕಾರ್ಯಕ್ರಮಕ್ಕೆ ಈ ಅಭಿಯಾನಕ್ಕೆ ಪಡೆಯಲಾಗಿದೆ. ಸರ್ಕಾರವು ರೂ 500 ಕೋಟಿ ಬಜೆಟ್ ಅನುದಾನ ಘೋಷಣೆ ಮಾಡಿದೆ. ಪ್ರಸಕ್ತ ವರ್ಷ‍ ಜೊತೆಗೆ ಮಾನ್ಯ ಮುಖ್ಯಮಂತ್ರಿಗಳು ಹಿಂದೆ ಮಾತನಾಡಿದಾಗ ಈ ಭಾಗದ ಜನರಿಗಾಗಿ ಸುಮಾರು 300 ಜನ ವಿದ್ಯಾರ್ಥಿಗಳಿಗೆ ಬೆಂಗಳೂರಿನಲ್ಲಿ ವಸತಿ ನಿಲಯದ ಒಂದು ಭರವಸೆ ನೀಡಿದ್ದಾರೆ. ಅದಕ್ಕಾಗಿ ಪ್ರತ್ಯೇಕವಾಗಿ ಅರ್ಧ ಎಕರೆ ಜಮೀನು ಬೆಂಗಳೂರಿನಲ್ಲಿ ಒದಗಿಸಲು ಈಗಾಗಲೇ ಆದೇಶ ಮಾಡಿದ್ದಾರೆ. ಜೊತೆಯಲ್ಲಿ ನನ್ನ ಮನಸ್ಸಿನಲ್ಲಿ ಇಡೀ ಕರ್ನಾಟಕವೇ ಕಲ್ಯಾಣ ಕರ್ನಾಟಕ ಆಗಬೇಕೆನ್ನುವ ಆಸೆ ಇದೆ. ಆ ದಿಕ್ಕಿನಲ್ಲಿ ಬಸವ ಕಲ್ಯಾಣದಲ್ಲಿ ಒಂದು ಐತಿಹಾಸಿಕವಾದಂತಹ ಪ್ರವಾಸ ತಾಣವನ್ನಾಗಿ ಮಾಡಿ ಅದೊಂದು ಅನುಭವ ಮಂಟಪಕ್ಕೆ ಒಂದು ವಿನೂತನ ಸ್ಥಳೀಯ ಜನರ ಕಲ್ಪನೆ ಇದೆ ಅದಕ್ಕೆ 500 ಕೋಟಿ ರೂ. ಅನುದಾನ ಕೊಡುವದಾಗಿ ಅವರು ಭರವಸೆ ನೀಡಿದ್ದಾರೆ. ಅದರ ಜೊತೆಜೊತೆಯಲಿ ಕೆ.ಕೆ.ಆರ್.ಡಿ.ಬಿ. ಯಾವದೇ ಅನುದಾನ ಕಡಿಮೆ ಮಾಡದೇ ಈ ಕಲ್ಯಾಣ ಕರ್ನಾಟಕದ ಸಂಘಕ್ಕೆ ಪ್ರತ್ಯೇಕವಾಗಿ 500 ಕೋಟಿ ರೂ. ಒದಗಿಸುತ್ತಿರುವದು. ಈ ಭಾಗದ ಗೌರವದ ಸಂಗತಿ ಇದೆ. ಸಾಮಾಜಿಕ ಜೀವನದಲ್ಲಿ ಅನೇಕ ಜನಪರ ಚಟುವಟಿಕೆ ನಡೆಯುತ್ತಲೆ ಇರುತ್ತವೆ ಆದರೆ ಒಂದು ವಿನೂತನ ರೀತಿಯಿಂದ ನಾವೆಲ್ಲರೂ ಜೊತೆಗುಡಿ ಪ್ರಯತ್ನ ಮಾಡದೆ ಇದ್ರೆ ನಿಜವಾದ ವಿಕಾಸ ಆಗಲಿಕ್ಕೆ ಸಾಧ್ಯ ಇಲ್ಲ. ಬಹುಶ ನಾವು ಮಾಡುವ ಈ 3 ವರ್ಷದ ಪ್ರಯತ್ನ ಇಡೀ ಕರ್ನಾಟಕದ ಉಳಿದ ವಿಭಾಗಗಳಿಗೂ ಮಾದರಿಯಾಗಿ, ಬಹುಶಃ ಮುಂದಿನ ವರ್ಷ ಆಯಾ ಭಾಗದ ಜನ ಇಂತದ್ದೇ ಸಂಘ ರಚನೆ ನಮಗೂ ಮಾಡಿ ಅಂತ ಕೇಳಿದ್ರೆ ನಮಗಾಗ ತುಂಬಾ ಸಂತೋಷ ಆಗತ್ತೆ.

ಆ ರೀತಿಯ ಒಂದು ಮಾದರಿ ಸ್ವರೂಪದಲ್ಲಿ ಬರಿ ಕನ್ನಡ ನಾಡಿಗಲ್ಲ ಇಡೀ ಭಾರತ ದೇಶಕ್ಕೆ ಒಂದು ಮಾದರಿಯಾಗುವ ರೀತಿಯಾಗಿ ಈ ಸಂಘದ ಮುಖಾಂತರ ಕೆಲಸ ಮಾಡುವ ನಮ್ಮ ಸಂಕಲ್ಪಕ್ಕೆ ಮಾಧ್ಯಮದ ಮಿತ್ರರು, ಸಾರ್ವಜನಿಕರು ಮತ್ತು ಅಧಿಕಾರಿಗಳ ಸಹಕಾರವನ್ನು ಕಳಕಳಿಯಿಂದ ಕೋರುತ್ತೇನೆ.

ಸ್ವಲ್ಪ ಸಮಯದಲ್ಲಿ ಈ ಕಾರ್ಯಕ್ರಮಕ್ಕೆ ತುಂಬಾ ಸಿಕ್ಕಾಗೆಲ್ಲ ಏನ ಅಭಿವೃದ್ಧಿ ನಡೆದಿದೆ ಏನ ಕೆಲಸ ನಡೆದಿದೆ ಅಂತ ಈ ಭಾಗದ ಬಗ್ಗೆ ಕಳಕಳಿಯಿಂದ ಚಿಂತನೆ ಮಾಡತಕ್ಕಂತ ಪೂಜ್ಯ ಶ್ರೀಗಳು ಇವತ್ತು ನಮ್ಮ ಮಧ್ಯದಲ್ಲಿದ್ದಾರೆ. ಇವತ್ತು ಅವರು ಕೊಡುವ ಆಶೀರ್ವಾದ ಏನಿದೆ ಬಹುಶ ಬಹು ಧೀರ್ಘಕಾಲದ ವರೆಗೆ ಈ ಕಲ್ಯಾಣದ ಕರ್ನಾಟಕದ ಒಂದು ವಿಕಾಸಕ್ಕೆ ಮತ್ತು ನಾವೇನ ಸರ್ವೇಜನ ಸುಖೀನೋ ಭವಂತು ಅಂತ ಕರೀತಿವಿ ಅಥವಾ ವಿಶ್ವವೇ ಒಂದು ಕುಟುಂಬ ಅನ್ನುವ ಆ ತತ್ವಕ್ಕೆ ತಲೆ ಎತ್ತಿ ಬದುಕುವ ಈ ನಾಡಾಗಲಿಕ್ಕೆ ನಮಗೆಲ್ಲ ಶಕ್ತಿ ನೀಡುತ್ತೆ ಅನ್ನುವ ಭಾವನೆಯೊಂದಿಗೆ, ನಮಗೆಲ್ಲರಿಗು ಅವರು ಆಶೀರ್ವಾದ ನೀಡಬೇಕು ಅಂತ ಹೇಳಿ ನಾನವರಲ್ಲಿ ಕಳಕಳಿಯಿಂದ ವಿನಂತಿ ಮಾಡುತ್ತೇನೆ.